| 48 |
LIBER IESU FILII SIRACH |
Syrach - Wycliffe Bible(14c) |
Ecclesiasticus - Douay Rheims(17c) |
Reference |
| 1 | Et surrexit Elias propheta quasi ignis, et verbum ipsius quasi facula ardebat. |
|
| Elijah. Sir.48.1-11 |
| 2 | Qui induxit in illos famem: et irritantes illum invidia sua pauci facti sunt: non enim poterant sustinere præcepta Domini. |
|
| |
| 3 | Verbo Domini continuit cælum, et dejecit de cælo ignem ter. |
|
| |
| 4 | Sic amplificatus est Elias in mirabilibus suis. Et quis potest similiter sic gloriari tibi? |
|
| |
| 5 | qui sustulisti mortuum ab inferis de sorte mortis, in verbo Domini Dei: |
|
| |
| 6 | qui dejecisti reges ad pernicem, et confregisti facile potentiam ipsorum, et gloriosos de lecto suo: |
|
| |
| 7 | qui audis in Sina judicium, et in Horeb judicia defensionis: |
|
| |
| 8 | qui ungis reges ad pœnitentiam, et prophetas facis successores post te: |
|
| |
| 9 | qui receptus es in turbine ignis, in curru equorum igneorum: |
|
| |
| 10 | qui scriptus es in judiciis temporum, lenire iracundiam Domini, conciliare cor patris ad filium, et restituere tribus Jacob. |
|
| |
| 11 | Beati sunt qui te viderunt, et in amicitia tua decorati sunt. |
|
| |